..عَنْ الأُمنِيــات

إنت مجنون أُمنيات/ اقفل الشبابيك وهات/ ورد أسعد.. سافر البحر اللي مستنيك، من الصيف اللي فات/ بس ساب لك/ ضِلّ شمسية ونسيم/ خلي صوت الموج يغني: “ياللى مجنون بالتمنى”… سافر الحلم القديم/ اللي مستنيك من الحلم اللي فات/ لمّا قال لك/ بُص للعالم بقلبك/ بابتسامة بنت عايشة العُمر جنبك.. بُص للعالم وحبّه واكرهه/ واخطفه من شِعر تاني.. “يا حبيباً زُرت يوماً أيّكهُ”/ لم أجد إلا الأغاني/ وأم كلثوم اللي ساكنه الراديوهات..